ᐱᔾᔪᑎᓕᒃ

ᐃᓕᑦᑎᕙᓪᓕᐊᓂᖅ ᐊᓯᒃᑲᓐᓂᖏᓐᓂᒃ ᐱᔾᔪᑎᖃᖅᑐᓂᒃ ᐱᓂᖅᓴᐅᒐᓱᐊᕐᓂᖏᓐᓂ ᐊᒻᒪᓗ ᐱᒋᐊᖅᑎᑦᑐᒪᔭᑦᑎᓐᓂᒃ

ᐱᓇᓱᐊᕐᓂᖅᓴᐅᔪᒪᓂᕐᒧᑦ ᐅᖃᐅᓯᒃᓴᓕᐊᕆᓯᒪᔭᕗᑦ

ᓄᓇᓕᒋᔭᐅᔪᑦ ᐊᑐᖅᑎᑦᑎᓂᐊᖅᑐᑦ ᓴᐳᓐᓂᐊᕈᑎᒃᓴᐅᔪᓐᓇᖅᑐᓂᒃ ᐊᒻᒪᓗ ᐱᓂᕐᓗᒌᒃᑯᑕᐅᒋᐊᕈᓐᓇᖅᑐᓂᒃ ᐃᖕᒥᓂᕈᑕᐅᖏᓂᖅᓴᐅᓕᕈᓐᓇᖅᑐᓂᒃ ᓄᓇᕗᒻᒥ, ᑕᒫᓂ ᖁᓖᖅᑕᖅᓯᒪᑎᒋᔪᒥᒃ ᐊᒥᓲᓂᖅᓴᐅᓂᖃᕐᒪᑕ ᑲᓇᑕᒥ ᐊᑐᖅᑕᐅᕙᖕᓂᖏᓐᓂᒃ, ᐊᒥᓱᕈᕆᐊᖅᓯᔪᒪᓪᓗᑎᒃ ᐱᑕᖃᕈᓐᓇᕐᓂᖏᓐᓂᒃ ᐊᑐᖅᑕᐅᔪᓐᓇᕐᓂᖏᓐᓂᓗ ᐱᓕᕆᔨᐅᖃᑎᒌᓕᕈᓐᓇᖅᑐᑦ ᐃᑲᔪᖃᑦᑕᐅᑎᓗᒃ, ᐃᓕᓐᓂᐊᕈᑎᒃᓴᖃᕐᓗᑎᑦ ᐊᒻᒪᓗ ᓴᕿᑎᕆᖃᑦᑕᕈᓐᓇᕐᓗᑎᒃ ᐅᐸᒃᓯᒪᔪᓐᓇᖅᑕᖏᓐᓂᒃ ᐱᐅᓯᕚᓪᓕᕈᑕᐅᔪᓐᓇᖅᑐᓂᒃ ᐃᓱᒪᒃᑯᑦ ᖃᓄᐃᖏᓐᓂᖅᓴᐅᔪᓐᓇᕐᓂᕐᒧᑦ ᑕᒪᐃᓐᓂ ᓄᓇᕗᒻᒥᐅᓕᒫᓂ.

ᑲᑎᙵᓂᖅ: ᓄᓇᓖᑦ, ᑲᑎᙵᓃᑦ, ᖃᕆᑕᐅᔭᒃᑰᖅᑐᓂᒃ ᐊᑐᐃᓐᓇᖃᕐᓂᖅ ᐃᓅᓯᕐᒧᑦ ᖁᒡᕙᖅᑎᕆᓂᖅ ᓄᓇᕗᒻᒥ ᐱᖁᔨᔾᔪᑎ, ᑐᓂᔭᐅᓯᒪᔪᖅ ᐱᓯᒪᓪᓗᓂ ᓄᓇᓕᓐᓂ 25-ᓂᒃ ᓄᓇᕗᒻᒥ, ᐊᒥᓲᓕᖅᑲᖓᓪᓗᓂ ᐱᓕᕆᖃᑎᒌᓐᓂᐅᔪᖅ ᓴᖅᑭᖅᑎᑕᐅᖁᓪᓗᒋᑦ ᓴᓇᕕᐅᒍᓐᓇᖅᑐᑦ ᐱᕕᑦᓴᖃᖁᓪᓗᒋᑦ ᒪᒃᑯᑦᑐᐃᑦ ᐃᓕᒍᓐᓇᕐᓗᑎᑦ ᐱᒍᓐᓇᓂᕐᒥ, ᓴᓇᙳᐊᕈᓐᓇᕐᓗᑎᑦ, ᐱᓕᕆᐊᕆᒍᒪᔭᒥᓂᓗ ᐱᓕᕆᒍᓐᓇᕐᓗᑎᑦ ᐊᑦᑕᓇᖅᑐᒦᙱᓪᓗᑎᑦ ᓴᓇᕕᒻᒥ.

ᑎᑭᐅᑭᒍᒪᔪᒍᑦ ᐱᐅᓯᒋᐊᕐᓗᑎᑦ ᒪᒃᑯᑦᑐᐃᑦ ᐃᓅᓯᖏᑦ ᖃᓄᐃᙱᓯᐊᕐᓂᒃᑯᑦ ᐊᑐᐃᓐᓇᖃᕐᕕᒋᓗᒋᑦ ᐃᓕᓐᓂᐊᕈᑎᑦᓴᓂᒃ ᓄᑖᓂᒃ, ᐱᐅᓯᒋᐊᖅᑎᓪᓗᒋᑦ ᐃᓱᒻᒪᓯᖏᑦ, ᐃᓅᖃᑎᒌᓐᓂᒃᑯᑦ ᐱᐅᓈᖅᑐᓂ ᒪᒃᑯᑦᑑᖃᑎᒥᓂᒃ ᐃᓐᓇᕆᔭᒥᓐᓂᓪᓗ, ᑲᓱᖅᑎᓪᓗᒋᓪᓗ ᐃᓕᖅᑯᓯᖏᑦ ᑭᓇᐅᓂᖏᓐᓄᑦ, ᐊᑐᐃᓐᓇᐅᑎᑦᓯᓂᒃᑯᑦ ᓄᑖᓂᒃ ᓴᓇᙳᐊᖅᑕᐅᒍᓐᓇᖅᑐᓂ.

ᓴᓇᙳᐊᕐᕕᐅᒍᓐᓇᖅᑐᓂᒃ ᓴᖅᑭᑎᑦᓯᓂᖅ ᓄᓇᕗᒻᒥ ᐱᓕᕆᕕᖃᓕᕐᓗᑎᑦ ᖃᕆᑕᐅᔭᒃᑰᖅᑐᓂᒃ ᐃᓕᓐᓂᐊᕋᑦᓴᖃᕐᓗᑎᓗ, ᐃᓱᒪᖅᓴᕐᓯᐅᕈᑎᖃᕈᓐᓇᕐᓗᑎᑦ, ᐆᑦᑐᕋᕐᓂᖃᕐᓗᑎᑦ, ᖃᐅᔨᒪᔭᒥᓂᓗ ᐃᓕᓐᓂᐊᑎᑦᓯᒍᓐᓇᕐᓗᑎᑦ. ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᖁᒡᕙᖅᑎᕆᓂᐅᓪᓗᓂ ᓲᕐᓗ ᐱᓕᕆᖃᑎᒌᓐᓂᖅ, ᓴᓇᖃᑎᒌᓐᓂᖅ, ᖃᓄᖅᑑᕐᓂᖅ, ᑐᙵᕕᖃᖏᓐᓇᖅᓱᑎᒃ ᓄᓇᒧᑦ, ᐊᕙᑎᒥᓄᑦ, ᐊᒻᒪᓗ ᐃᓕᖅᑯᓯᒥᓄᑦ.

ᐃᓘᓐᓇᑎᑦ ᓴᓇᕖᑦ ᐊᑐᐃᓐᓇᖃᕐᓂᐊᖅᑐᑦ ᖃᕆᑕᐅᔭᒃᑯᑦ ᑲᓱᕈᓐᓇᐅᑎᓂᒃ, ᐃᓕᓐᓂᐊᑎᑦᓯᒍᑎᑦᓴᓂᒃ, ᐃᓕᓐᓂᐊᕋᑦᓴᓂᒃ, ᐊᔪᕿᖅᑑᔾᔨᒍᑎᓂᓪᓗ ᐃᓕᓐᓂᐊᕋᑦᓴᖏᑦᑕ te(a)ch ᐃᓗᓕᖏᓐᓂ. ᐃᓘᓐᓇᑎᑦ ᓴᓇᕖᑦ ᐃᑲᔪᖅᓯᓂᐊᖅᑐᑦ ᓴᓇᙳᐊᓂᕐᒥ ᓴᓇᔭᐅᓯᒪᙱᑦᑐᓂ ᓴᓇᙳᐊᕋᑦᓴᓂᓪᓗ, ᐱᓕᕆᐊᖑᓗᑎᑦ ᒪᒃᑯᑦᑐᓄᑦ ᐃᓚᐅᔪᓄᑦ.

ᓴᓇᕖᑦ ᐱᕕᑦᓴᖃᖅᑎᑦᓯᒐᔭᖅᑐᑦ ᐊᔾᔨᒌᙱᑦᑐᓂ ᓄᓇᓕᓐᓂ:

  • ᐊᑦᑕᓇᖅᑐᒦᙱᑦᑐᓂ/ᐅᖅᑰᓴᖅᓯᒪᔪᓂ ᐅᐸᑦᑕᐅᒍᓐᓇᕐᓗᓂ ᒪᒃᑯᑦᑐᓄᑦ – ᓇᒧᙵᕕᑦᓴᐅᓗᓂ ᓱᐃᓛᕿᕕᑦᓴᐅᓗᓂ
  • ᑐᙵᓱᒡᕕᐅᓗᑎᑦ, ᒪᒃᑯᑦᑐᓕᒫᓄᒃ ᓇᑭᖔᖅᓯᒪᒐᓗᐊᖅᐸᑕ
  • ᐊᑐᐃᓐᓇᖃᖅᑎᑦᓯᓗᑎᑦ ᐱᓕᕆᐊᑦᓴᓂᒃ ᓄᓇᓕᓐᓂ – ᐃᓅᖃᑎᒌᓐᓂᕐᒥ ᖁᒡᕙᖅᑎᕆᐊᕐᓗᑎᑦ.
  • ᐱᕕᑦᓴᖃᖅᑎᑕᐅᓗᑦᑎ ᓄᑖᓂᒃ ᐃᓕᒍᓐᓇᕐᓗᑎᑦ ᐱᓕᕆᐊᑦᓴᓂᒃ
  • ᐅᐸᑦᑕᐅᒍᓐᓇᕐᓗᓂ ᓴᓇᙳᐊᕈᒪᔪᓄᑦ
  • ᓄᓇᓕᓐᓂ ᓯᕗᓕᖅᑎᐅᓂᒃᑯᑦ, ᐃᖅᑲᓇᐃᔭᕐᕕᐅᒍᓐᓇᕐᓗᓂ ᐃᓕᓐᓂᐊᓯᓐᓈᑦ.
  • ᐊᒥᒐᙱᑦᑐᑦ ᓴᓇᙳᐊᕈᓐᓇᖅᑕᖏᑦ ᓱᓇᑐᐃᓐᓇᐃᑦ!

ᓴᓇᕖᑦ ᐱᙳᐊᕐᕕᐅᒍᓐᓇᖃᑦᑕᕐᓂᐊᖅᑐᑦ ᐆᑦᑐᕋᕆᐅᖅᓴᕐᓗᑎᓗ, ᒪᒃᑯᑦᑐᐃᑦ ᓴᓇᒍᓐᓇᕐᓗᑎᑦ ᐱᓕᕆᐊᕆᒍᒪᔭᒥᓂ, ᐊᑐᕐᓗᑎᑦ ᓇᒻᒥᓂᖅ ᐅᖃᐅᓯᕐᒥᓂ: ᓴᓇᕖᑦ ᐃᖅᑲᓇᐃᔭᖅᑎᖏᑦ ᐃᑲᔪᕈᓐᓇᕐᓗᑎᑦ ᓴᓇᙳᐊᓂᕐᒥ ᐱᒋᐊᕈᑎᖏᓐᓂᓗ.

ᖃᕆᑕᐅᔭᒃᑯᑦ ᐃᓕᓐᓂᐊᖅᑎᑦᑎᔾᔪᑏᑦ te(a)ch-ᒥᒃ ᑕᐃᔭᐅᔪᑦ ᐃᓱᒪᖅᓱᑕᐅᓪᓗᑎᒃ, ᐊᑐᒐᒃᓴᐅᕗᑦ, ᑲᔪᓯᓐᓇᕈᓐᓇᖅᑐᑦ ᐊᒻᒪᓗ ᐃᓕᖅᑯᓯᑐᖃᕆᔭᐅᔪᓂᒃ ᐃᒃᐱᒍᓱᒃᓱᑎᒃ ᖃᓄᐃᓕᐅᕈᑕᐅᓲᖑᕗᑦ K-12-ᒥᒃ ᖃᕆᑕᐅᔭᖅᑎᒍᑦ ᖃᐅᔨᓴᕐᓂᓕᕆᔾᔪᑏᑦ ᓄᓇᖃᖅᑐᑐᖃᐅᔪᓄᑦ ᒪᒃᑯᒃᑐᓄᑦ ᓄᓇᕗᒻᒥ; ᐃᓗᓕᖃᖅᓱᑎᒃ ᒪᓕᒃᑐᓂᒃ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ ᐊᒻᒪᓗ ᐃᓕᓐᓂᐊᕈᑎᒃᓴᖃᖅᓱᑎᒃ ᐃᓄᒃᑎᑐᑦ ᐊᑐᒐᒃᓴᖃᖅᑐᓂᒃ.

ᐃᓕᑦᑎᑲᓐᓂᕈᒪᔪᖅ