ᑖᓐᓇ ᓄᓇᓕᓐᓂ, ᑲᓱᖅᓯᒪᖃᑎᒌᑦᑐᓂ, ᐊᒻᒪᓗ ᖃᕆᑕᐅᔭᒃᑯᑦ ᐊᑐᐃᓐᓇᖃᕐᓂᖅ ᐃᓅᓯᕐᒥᓂ ᑭᐱᓯᑎᑦᓯᑦᑕᐃᓕᓂᕐᒧᑦ ᓄᓇᕗᒻᒥ ᐱᓕᕆᖃᑎᒌᓐᓂᐅᔪᖅ ᐊᑐᓕᖅᑎᑕᐅᖁᓗᒋᑦ ᐊᑦᑕᓇᙱᑦᑐᒦᓐᓂᖅ ᐊᑐᓕᖅᑎᑦᓯᑦᑕᐃᓕᓂᕐᓗ ᐊᑦᑕᓇᖅᑐᒦᙱᓂᖅᓴᐅᓂᐊᕐᒪᑕ ᓄᓇᕗᒻᒥᐅᑦ ᐃᓅᓯᕐᒥ ᑭᐱᓯᕙᓐᓂᒃᑯᑦ ᐱᓕᕆᖃᑎᒌᑦᑐᑦ ᐊᕕᑦᑐᖅᑕᐅᓯᒪᔪᓂ ᓄᓇᓕᓐᓄᓗ ᑐᕌᖓᔪᑎᒍᑦ ᖃᕆᑕᐅᔭᒃᑯᑦ ᐃᓗᓯᓕᕆᓂᖅ ᖃᓄᐃᙱᓯᐊᕐᓂᕐᓗ ᐱᓕᕆᔾᔪᑎᖃᕐᕕᒃᑯᑦ.
ᑖᓐᓇ ᐱᓕᕆᔾᔪᑎᖃᕐᕕᒃ ᐃᓗᓕᖃᕋᔭᖅᑐᖅ ᖃᕆᑕᐅᔭᒃᑯᑦ ᐊᑐᐃᓐᓇᖃᕐᓗᓂ ᐃᓱᒪᒧᑦ ᖃᓄᐃᙱᓯᐊᕐᓂᕐᒧᑦ ᑐᕌᖓᔪᓂ ᐃᑲᔫᑎᑦᓴᖃᕐᓗᓂᓗ ᓲᕐᓗ ᐅᖃᖃᑎᒌᖃᑎᑦᓴᐃᑦ, ᐃᓕᓐᓂᐊᕋᑦᓴᐃᑦ, ᓴᓇᙳᐊᕋᑦᓴᓂᓪᓗ ᓄᓇᕗᒻᒥᐅᓄᑦ ᑐᕌᖓᔪᓂ. ᐃᓚᖃᕐᓂᐊᖅᑐᑦ ᐃᓄᒃᑎᑐᑦ ᐃᓕᓐᓂᐊᕈᑎᑦᓴᓂᒃ ᖃᕆᑕᐅᔭᒃᑯᑦ, ᐋᖅᑭᒋᐊᖅᓯᒪᔪᒥᒃ ᐱᓕᕆᖃᑎᒌᒍᑎᖃᕐᓂᖅ, ᐱᒍᒪᔾᔪᑎᓂᒃ, ᐱᙳᐊᕈᖅᑎᑕᐅᓯᒪᔪᖅᑎᒍᑦ ᐱᓕᕆᒍᑎᖃᕐᓂᖅ, ᓴᓇᙳᐊᓂᒃᑯᑦ ᒪᒥᓴᕈᑎᑦᓴᐃᑦ, ᓴᓇᙳᐊᕐᕖᓪᓗ ᐊᑕᐃᓐᓇᖅᑐᑦ ᓄᓇᓕᓕᒫᓂ.
ᑖᓐᓇ ᐱᓕᕆᔾᔪᑎᖃᕐᕕᒃ ᑐᙵᕕᖃᓪᓚᕆᓐᓂᐊᖅᑐᖅ ᓄᓇᓕᓐᓂ ᓯᕗᓕᖅᑎᐅᕙᑦᑐᓂ ᐃᓚᐅᖃᑕᐅᕙᑦᑐᓂᓗ, ᒪᓕᑦᑐᓂ ᐃᓄᐃᑦ ᖃᐅᔨᒪᔭᑐᖃᖏᓐᓂ, ᐃᓄᐃᑦ ᖃᐅᔨᒪᔾᔪᓯᖓᓂ ᑕᑯᓐᓇᕐᓂᖓᓂᓗ ᓄᓇᕐᔪᐊᒥ, ᑐᙵᕕᖃᖅᕈᑎᖏᑦ ᐃᓅᖃᑎᒌᓐᓂᒃᑯᑦ, ᐃᑉᐱᓐᓂᐊᖃᑎᒌᓐᓂᒃᑯᑦ, ᑕᕐᓂᖃᖃᑎᒌᓐᓂᒃᑯᑦ, ᐃᓱᒪᖃᑎᒌᓐᓂᒃᑯᑦ, ᐊᒻᒪᓗ ᑎᒥᒃᑯᑦ ᖃᓄᐃᙱᓯᐊᕐᓂᕐᒥ. ᐃᓄᓐᓂᒃ ᒪᒃᑯᑦᑐᓄᑦ ᐱᓕᕆᐊᑦᓴᖃᕐᓂᐊᖅᑐᖅ ᐃᓕᖅᑯᓯᑐᖃᖏᓐᓂ ᓄᑖᓂᒃ ᐱᓕᕆᔾᔪᑎᓂᒃ ᐊᑐᕐᓗᑎᑦ, ᐅᖃᐅᓯᖏᓐᓂ ᓴᙱᓕᕆᐊᖅᑎᑦᓯᓗᓂ ᐃᓕᖅᑯᓯᑐᖃᖏᓐᓂᓗ ᐊᑐᐃᓐᓇᕈᓐᓇᓕᕐᓗᑎᑦ. ᑖᓐᓇ ᐊᓯᔾᔨᕆᐊᕈᑎᐅᒍᓐᓇᖅᑐᖅ ᐊᑐᓕᖅᑎᑦᓯᓗᑎᑦ ᐊᑐᐊᒐᕐᒥ ᐊᑦᑕᓇᖅᑐᒦᖁᓇᒋᑦ ᐃᓕᖅᑯᓯᑐᖃᖏᑦ ᖃᐅᔨᒪᓂᒃᑯᓪᓗ ᐱᓂᕐᓗᑦᑕᐅᓯᒪᓂᕐᒧᑦ ᐊᑐᐊᒐᐅᓗᓂ ᐃᓅᓯᕐᒥ ᑭᐱᓯᑎᑦᓯᑦᑕᐃᓕᓂᕐᒧᑦ ᓄᓇᓕᓐᓄᑦ ᑭᐅᔾᔪᑕᐅᕙᓪᓗᓂ ᐱᒋᐊᖃᕐᓂᖏᓐᓄᑦ.
ᓇᕿᓪᓗᒍ ᐅᓇ ᐅᖃᓕᒫᕈᒪᒍᕕᐅᒃ ᐃᓘᓐᓇᖓ ᐱᖁᔨᔾᔪᑎᑦᑕ.